ម៉ូស្គូ៖ ក្រសួងការពារជាតិរុស្ស៉ីបានប្រកាសប្រើកាំជ្រួចមីស៊ីលល្បឿនលឿន Kinzhal ថ្មីបំផុតរបស់ខ្លួនជាលើកដំបូងនៅក្នុងប្រទេសអ៊ុយក្រែនកាលពីថ្ងៃសុក្រ ទី១៨ ខែមីនា ដើម្បីបំផ្លាញទីតាំងផ្ទុកអាវុធរបស់សត្រូវនៅភាគខាងលិចរបស់ប្រទេស។

នេះជាការប្រកាសប្រើប្រាស់អាវុធទំនើបដំបូងបំផុតចាប់ពីចាប់ផ្ដើមវាយលុកអ៊ុយក្រែនតាំងពីថ្ងៃទី២៤ ខែកុម្ភៈ។ ចាប់តាំងពីលុយអ៊ុយក្រែន គេឃើញថារដ្ឋសហព័ន្ធរុស្ស៊ីបានប្រើប្រាស់អាវុធដែលមានតាំងពីសម័យសង្គ្រាមត្រជាក់ប៉ុណ្ណោះ។

ក្រសួងការពារជាតិរុស្ស៊ីបានលើកឡើងកាលពីថ្ងៃសៅរ៍ថា៖ «ប្រព័ន្ធកាំជ្រួចអាកាសចរណ៍ Kinzhal ដែលមានកាំជ្រួចផ្លោងលឿនជាងសំឡេងបានបំផ្លាញឃ្លាំងក្រោមដីដ៏ធំមួយដែលមានកាំជ្រួច និងគ្រាប់រំសេវអាកាសចរណ៍នៅក្នុងភូមិ Deliatyn ក្នុងតំបន់ Ivano-Frankivsk»៕